Era Microsoft Office 2010 po ussa curreger texts en rumantsch grischun. La versiun nova dal program da correctura da l’ortografia è publitgada e po vegnir telechargiada qua.
Spell Checker per Microsoft Office 2010 è pront per telechargiar
Reply
Author Archives: tin
Spell-checker rumantsch per l’Office 2007
Il nov program da correctura da l’ortografia en Rumantsch grischun per Microsoft Office 2007 pon ins telechargiar sin questa pagina. La software è vegnida adattada per la nova versiun dad Office (tant nova n’è ella era betg pli). Il dicziunari che furma la basa dal program è dentant il medem sco quel dal spell-checker per l’Office 2003.
Il «Pledari Grond» gida
Cun la translaziun dad Office 2003 e Mozilla Firefox èn vegnids stgaffids divers pleds novs per funcziuns e buttuns da l’interfatscha da software. Auters pleds han survegnì ina nova muntada. Magari na sa betg mintgin sin l’emprim egliada tge che «aviar», «revocar», «reinizialisar» u «telechargiar» vul dir. En quest cas gida il Pledari Grond – da chattar sin www.pledarigrond.ch.
Maletgs dal visur cun Firefox 3.6 sin Mac
Microsoft Office 2003: Co installar?
Il fanadur da l’onn 2006 ha la Lia Rumantscha, Microsoft ed il chantun Grischun preschentà ina versiun rumantscha da l’Office 2003. Il pli interessant da questa purschida è probablamain il «spell-checker» – il program da correctura da l’ortografia per il rumantsch grischun. Pia questa funcziun che fa la lingias cotschnas sut pleds che n’èn betg scrits a moda correcta.
L’installaziun da la interfatscha rumantscha ed il spell-checker rumantsch per l’Office 2003 n’è dentant betg dal tut simpla. Dal rest funcziuna l’installaziun mo sche il sistem operativ Windows XP ed Office 2003 èn gia avant maun. (Il pachet da lingua na funcziuna betg cun l’Office 2007, betg cun Mac, betg cun Linux, betg cun Windows Vista etc.)
Qua in mussavia per l’installaziun:
- Installar l’emprim almain il Service Pack 2 da Microsoft Office ed il Service Pack 3 da Windows XP (sche quai n’è anc betg fatg).
Schebain questas actualisaziuns èn gia installadas pon ins controllar suandantamain:- Service Pack XP: Cliccar cun la tasta dretga da la mieur sin «Arbeitsplatz», lura sin «Eigenschaften». Sut «System:» stuess esser scrit sch’il Service Pack 3 è installà.
- Service Pack 2 dad Office: Aviar «Microsoft Word 2003», cliccar sin «Hilfe», lura sin «Über Microsoft Office Word». La sto esser scrit tranter auter «SP2» u «SP3».
- Sch’il Service Pack3 dad XP manca: Exequir «Windows Update» («Start», «Windows Update»). Il meglier installar gist tut che stat a disposiziun.
- Sch’il Service Pack 2 dad Office manca: aviar «Microsoft Office Word», cliccar sin «Hilfe» e lura sin «Auf Updates überprüfen» (u sumegliant) ubain directamain telechargiar la datoteca qua ed installar ella.
- Installar ils pachets da lingua
- Installar l’update da lingua per Windows XP. (Telechargiar cun cliccar sin «Download»).
- Installar l’update da lingua per Office XP. (Telechargiar la datoteca da 5.7 MB cun cliccar sin «Download»).
- Installar la surfatscha rumantscha per Office XP. (Telechargiar cun cliccar sin «Download»).
- Configurar las linguas
Aviar «Microsoft Office 2003 language settings» («Start», «Programme», «Microsoft Office», «Microsoft Office Tools») ed activar dapertut «rumantsch».
Gratulaziuns! Ussa stuess tut funcziunar.
Lain sperar che l’installaziun da la versiun rumantscha da l’Office 2007 saja pli simpla.
Reacziuns en las medias
Qua in pèr colliaziuns a gasettas e blogs che han rapportà da la nova versiun rumantscha da Firefox:
SF Online
Neue Zürcher Zeitung
20min online
Vorarlberg Online
Der Standard
Reisen-Blog
Inside-IT
